4 ноябрьдә Казанда изгеләр Петр һәм Феврониягә һәйкәл ачыла
Тантана Чистай урамында Казан митрополиты, изге газап чигүче Кирилл храмы янында үтәчәк.
4 ноябрьдә, Халыклар берәмлеге көнендә, Казанда изгеләр ирле-хатынлы князь Петр һәм княгиня Феврониягә һәйкәл ачыла. Һәйкәл Чистай ур., 30 адресы буенча Казан митрополиты, изге газап чигүче Кирилл храмы янында урнашкан.
Һәйкәлне төзү һәм ачу турында карарны 2015 елның 6 июнендә ТР Президенты Рөстәм Миңнеханов ТР Рус милли-мәдәни берләшмәсе вәкилләре белән очрашу барышында чыгарды. ТР Мәдәният министры бәйге уздырды, анда 11 катнашучыдан 22 эш килде. Бәйгедә Мәскәү сынчысы Петр Добаев җиңде.
Рус православие чиркәве Муром изгеләре ирле-хатынлы Петр һәм Феврония истәлеген саклый. Алар гаилә тормышының үрнәге булып саналалар. Әлеге изгеләр – гаилә тормышын яклаучылар.
Чара 8.45 сәгатьтә башлана.
KZN.RU
Иң мөһим һәм кызыклы язмаларны Татмедиа Telegram-каналында укыгыз
