Берничә буыннан өч миллиард
Татариянең Тимәш (Ромашкино) авылы янындагы скважинадан атылган нефть фонтаны шуны күрсәтә: дөньяда иң эре нефть яткылыкларының берсе ачыла.
Бу хәл 1948 елның 25 июлендә мастер Сергей Кузьмин һәм бораулаучы Рәхим Халиков бригадасы 3 санлы скважинаны сынаганда була.
Җир астыннан күккә карап, моңа кадәр күремләгәнчә куәтле фонтан атыла: тәүлегенә 120 тонна сусыз девон нефте! Татариянең көньяк-көнчыгышында ачылган нефть яткылыгына Ромашкино исеме бирәләр. Соңыннан билгеле була: ул илдәге иң эре нефть яткылыгы гына түгел. Халыкара классификация буенча ул супергигант булып санала һәм дөньядагы иң эре ун нефть яткылыгының берсенә керә. Ромашкино нефть яткылыгы ачылу белән Татария иң эре нефть төбәге буларак таныла.
Ромашкино нефть яткылыгыннан шушы вакыт эчендә 2,2 миллиард тоннадан артыграк нефть чыгарыла. Хәзерге вакытта биредә ел саен 15 миллион тоннадан артыграк углеводород чималы табыла. Исбатланганча, Ромашкино нефть яткылыгының запаслары өч миллиард тоннадан артып китә.
Фото: Сайт Казанского порохового завода
Иң мөһим һәм кызыклы язмаларны Татмедиа Telegram-каналында укыгыз
