Казан чит илләрнең туризм үзәкләре белән көндәшлеккә чыга ала
РИА Яңалыклар хәбәр итүенчә, илнең бер эре банкы сораштырулары буенча россиялеләр шулай дип саный икән.
Үзебезнең илнең кайсы туристик юнәлешләре чит илләрнекенә көндәш булырга сәләтле дигән сорауга, респондентларның 35 проценты – Сочины, 30 проценты – Кырымны, 16 проценты Санкт-Петербургны атаган. Байкалга – 13 процент, Алтайга – 11, Казан белән Мәскәүгә 10 процент тавыш биргән.
Сораштырылучыларның 42 проценты җәйге ялларын өйдә яки дачада үткәрергә ниятли, 26 проценты Россия курортларына җыена, 15 проценты ил буйлап сәяхәт итмәкче була, 6 проценты – Россия туристлары өчен ачылачак теләсә кайсы чит илгә китәргә әзер.
Сораштыру халык саны 100 меңнән артыграк булган шәһәрләрдә яшәүче 18 дән 60 яшькәчә мең кеше арасында үткәрелгән. Ул 3 нче июльдән 7 сенә кадәр дәвам иткән.
Иң мөһим һәм кызыклы язмаларны Татмедиа Telegram-каналында укыгыз
