Казанда Җиңү көнендә салют ТВ аша күрсәтеләчәк
Татарстанның Премьер-министр урынбасары Ләйлә Фазлыева татарстанлыларны өйдә калырга һәм фейерверкны телевидение аша трансляциядә карарга чакырды.
Бүгенге матбугат конференциясендә Татарстан Республикасының Премьер-министр урынбасары хәбәр итүенчә, салют бирү өчен шәһәрләрнең берсе итеп Казан сайлап алынган. Салют якынча 21:50 дә башланып китәчәк.
- Эпидемиологик вәзгыятьне исәпкә алып, без халыкны бәйрәм фейерверкын телевизордан карарга чакырабыз. Ул Татарстан-Яңа гасыр каналы аша трансляцияләнәчәк, - дип мөрәҗәгать итте Ләйлә Фазлыева.
Ул, шулай ук, 9 Май – Җиңү көнендә 22:00 сәгатьтә татарстанлыларның “Җиңү фонарьлары” акциясендә катнашу мөмкинлеге турында дә әйтте – фатирларда һәм йортларда тәрәзә каршысына килеп, Бөек Ватан сугышы вакыйгаларын хәтерләп, фонарьлар кабызырга була.
Моннан тыш, 9 май көндезге сәгать өчкә кадәр “Үлемсез полк” акциясендә катнашу өчен гариза җибәрү мөмкинлеге бар. Быел ул онлайн форматта уза.
Фото: tatar-today.ru
Иң мөһим һәм кызыклы язмаларны Татмедиа Telegram-каналында укыгыз
