«Ростех» 66 «Ансат» вертолётын Милли санитар авиациясе хезмәтенә тапшырырга планлаштыра
![](https://100tatarstan.100tatarstan.ru/resize/shd/images/uploads/news/2020/7/28/5c30a0cffaa8e0cd2e84aeeab28b9191.jpg)
Бу турыда дәүләт корпорациясе башлыгы Сергей Чемезов РФ Президенты Владимир Путин белән очрашуында хәбәр итте.
Президент каршында дәүләт корпорациясенең 2019 елдагы эшчәнлеге турында хисап тотканда, Сергей Чемезов, шул исәптән 8 «Ансат» вертолетын тапшыру турында билгеләп үтте. «Без Милли санитар авиациясе хезмәте оештырдык һәм әлеге сигез вертолетны әлеге хезмәт өчен тапшырдык, - диде «Ростеха» башлыгы. – Якындагы елларда - быел һәм киләсе елда – без тагын 66 вертолетны әлеге хезмәткә тапшырырга тиеш».
Россия Президентының әлеге вертолетлар сынатмыйлармы дигән соравына : «Вертолетлар үзләрен бик яхшы яктан күрсәтләр. Бу «Ансат» та, Ми-8 дә – алар тулысынча безнең медицина җиһазлары белән җиһазландырылган һәм табибларны да, авыруларны да кирәкле бар нәрсә белән тәэмин итәләр», - дип җавап кайтарды Сергей Чемезов.
Фото: пресс-служба госкорпорации «Ростех»
Иң мөһим һәм кызыклы язмаларны Татмедиа Telegram-каналында укыгыз